Jang oh Jang!!

Apo Kono Eh Jang

(apasal ekau ni comey bonar..)



( P: )
Jang oh Jang
Mano pulak poi eh budak bertuah ni
Sonyap yo...
Siaplah jang oi...
Kobau tu tak boghi makan lai
(Omak, den poi belakon drama la.. jwb si Jang..)

( L: )
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih

( P: )
Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko

( P: )
Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah

( P: )
Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam

( P: )
Ha... tu lah, dulu lai den koba kan
Kojo jang... kojo.
Ni.. ke kobun maleh
Ke sawah liat pulak tu

( L: )
Ah.. Omak ni..
Sekolah tinggi tinggi takkan ke sawah do
Buek malu yo...

( P: )
Nak kan anak orang tak payah beduit
Apolah nak jadi kau ni jang oi hai...

( L: )
Abih macano mak
Badan seh ni nak domam yo ghaso eh

( P: )
Dah den koba an dulu kumpo kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu

( P: )
Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan

( L: )
Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo

( P: )
Kau nak apo an milah tu pulak
Jangan jang, malu omak
Kito yang susah nanti

( L: )
Seh tak kiro
Seh nak an jugo milah tu mak
Apo nak jadi, jadilah

( P: )
Dah di haruk setan ko budak ni
Dunio pun tak nampak layi...

( L: )
Ke jelobak ke jelobu
Tuai padi tigo tangkai
Kato ombung den...
Kato ongah den...
Kato ocu den
Podih nyo hati menanggung malu
Tak mati badan menghasai... Aih

( P: )
Apo kono eh jang...

Ini bukan Jang yang dimaksudkan.. tapi Jang ni pon bujang trang tang tang..

Jang, blakon elok2 ye.. akak ucapkan samat maju jaye, moga sukses slalu, konang daku dalam doamu..

Yg benonyer, akak dengo lagu nih mase deraif pegi kejer pg tadi. Riuh betol kt Era dengo Pak Nil & Din Beramboi & ntah sape2 lagi yg jadik nasik tambah pagi nih. Rupe-rupenyer sempene final Piala Mesia wiken nih, Negeri Sembilan vs Kelantan. Deme wat debat, oghe kelate lawan nogori sombilan. Akak paling suke mase drama sebabak tu, DB wat cakap minang, mmg kelakau tul lah dia.. Akak ni x pasan lansung dah final, sbb dah lama x mengikuti perkembangan arena bola sepak, baik dalam atau luar negara. asek follo perkembangan artis korea dan perkembangan badan sendiri jek..